الله اكبر مدير عام
عدد المساهمات : 123 تاريخ التسجيل : 10/10/2011 العمر : 42 الموقع : PALESTINE
| موضوع: قصة تتعلمي ياحواء منها كيف تحافظين على زوجك السبت أكتوبر 15, 2011 7:26 pm | |
| [ندعوك للتسجيل في المنتدى أو التعريف بنفسك لمعاينة هذه الصورة] الزوجة هذه مشكلتها بعد كم سنة من زواجهم حست ان زوجها تغير عليها يعني تحس ببروده ومايسال عليها لو غايبة ولاينادي باسمها اول مايرجع من الشغل والمشكلة انها ساهمت في هذا الشئ يعني اذا طلع من البيت تكون هي راقدة وماتندري عليه ولو رجع من الشغل تعبان تكون لاهية عالتلفزيون وماتحس حتى انه دخل بس بعدها حست بشئ غريب ان زوجها مايستغني عن بنته ثانية فقررت ان تراقب بنتها وتعرف السر اللي يخلي بوها يحبها ومايستغنى عنها ثانية وهي دون غيرها
فلاحضت ان بنتها اول بوها بيطلع من البيت تفطر معاه وتحكي معاه وتبي تنسيه انه يطلع ولو طلع قريب تبكي لدرجة انه يتخبى حتى ماتشوفه وهو طالع
واول مايرجع بمجرد يحط المفتاح وبيفتح البيت تكون واقفة قدام الباب وتبدى فرحانة وتتنطط والفرحة مش سايعتها ولما يبي يتغدى تبدى تحاول تنسيه التعب وتلعبله بشعره وتغنيله وتحكيله لدرجة ان والدها لو دخل ومالقي بنتها ينجن ويبدا يسال عليها اول وحدة ويقول اكيد مريضة لانها مااستقبلتني اليوم ولو بيطلع للشغل وماشافها يمشي ينوضها وياخد بوسة الصبح قبل مايمشي ولو كانو بوقت العصرية او في الليل قدام التلفزيون ومايلاقيها يبدا يدور البيت كله زي المجنون وينادي عليها واي حاجة تطلبها ينفدها فورا الام حست ان بنتها قدرت تكسب حنان وحب والدها وهي ماقدرت فقررت انها تتغييير لاسبوع بس بعتت بنتها لاهلها شهر حتى ما ينتبهلها هههههههههههههههه المهم الزوجة اشترلها لبس جديد وكانت اول ماينوض يمشي للشغل تنوض معاه وتفطره وتودعه لحد مايطلع واذا رجعه تكون مستنياته ومتشيكة ولابسة وابتسامة اول يومين كان متفاجئ ومستغرب وردة فعله التعجب بس ههههههههههههه والزوجة واصلت هذا الشئ ولما يجي يتغدى ماتساله عن شئ يوجعله راسه بس تحكي وتمزح معاه الزوج تغير تماما وبدي مجنون بمرته لدرجة لاتوصف قالت لو دقيقة ما يسمع صوتي او حركتي في البيت يبدا يدور عليا لدرجة انه نسيت بنته في حوش اهله ههههههههههههه
ومايرفض لزوجته طلب وحتى لما يمشي للشغل كانت تتصل بيه وترجع ذكريات الخطوبة كانت من فرحته يرجع للبيت بسرعة
اللي نبي نقول على كل بنت مقبلة على الزواج او زوجة جديدة انها ماتهمل زوجها لان هالوقت صعب ومغريات الدنيا اصعب فااااااااذا تبي تكسبي رضا وحنان وحب زوجك ومايستغنى عنك ثانية تعلمي هذا الفن فن الاستقبال والوداع والاهتمام الزاااايد ولاتنسو ان الرجل طفل كبير يحب الدلع والدلال | |
|